مەودا میدیا-

فەرماندەی گشتی هێزەكانی 70ى سەر بە یەكێتی نیشتمانی كوردستان رایدەگەیەنێت، دەست بە رێكردنەوە لە مووچەی وەزارەتەكان كراوە و سبەی مووچەی پێشمەرگە دابەش دەكرێت.

مستەفا چاوڕەش، فەرماندەی گشتی هێزەكانی 70ی سەر بە یەكێتی نیشتمانی كوردستان بە مەودا میدیای راگەیاند "ئەمڕۆ سێشەممە 18ی ئادار، دەستكراوە بە رێكردنەوەی مووچە و ئامادەكاری دەكرێت بۆ دابەشكردن".

ئەوەشی خستەڕوو "سبەینێ پێنج شەممە مووچەی وەزارەتی پێشمەرگە دابەش دەكرێت بە هەموو شوێن و لیواو یەكەكانیەوە".

لە ماوەی رابردوودا بەهۆی رێكارەكانی حكومەتی هەرێمی كوردستان بۆ خۆپارێزی لە بڵاوبوونەوەی نەخۆشی كۆرۆناو قەدەغەی هاتووچۆو راگرتنی دەوامی، دابەشكردنی مووچە بەشێوەی كاتی دواخرا.