مەودا میدیا-

کۆڵبەرێکی لاو لە سنووری شاری بانە بە تەقەی راستەوخۆی هێزە چەکدارەکانی ئێران کوژرا کە لە مەودای نزیکەوە و بە بێ هیچ جۆرە ئاگادار کردنەوەیەک تەقەی لێکراوە.

رێکخراوی مافی مرۆڤی هەنگاو بڵاویکردەوە "دوێنێ سێشەممە 17ی ئاداری 2020 هێزە چەکدارەکانی ئێران لە سنوری هەنگەژاڵی بانە تەقەیان لە کاروانێکی کۆڵبەران کردوە و لە ئاکامدا کۆڵبەرێک کوژراوە".

ئاماژە بەوەشکراوە " ئەو کۆڵبەرە 23 ساڵە و ناوی (سەیوان شەریفی) و خەڵکی گوندی قوڵیاوا، هەروەها بە وتەی سەرچاوەیەکی ئاگادار، ئەو کۆڵبەرە لە مەودای نزیکەوە و بە بێ هیچ جۆرە ئاگادار کردنەوەیەک تەقەی لێکراوە".