مەودا میدیا-

قائیمقامی قەزای كەلار رایدەگەیەنێت هەر هاوڵاتیەك پابەندی مەرج و رێنماییەكان نەبێت بە توندی سزادەدرێت لە ماوەی دوو رۆژی رابردووش 400 مۆڵەت و ساڵنامە لە شۆفێران وەرگیراوە..

شەهاب ئەحمەد، قائیمقامی قەزای كەلار رایگەیاند "لەپێناو بەرژەوەندی هاوڵاتیان و سەلامەتی ژیانی هاوڵاتیان رێنمایی و خۆپارێزیمان بڵاوكردوەتەوە بەڵام كەسانێك پێوەی پابەند نابن".

ئاماژەی بەوەشكردوە "لەماوەی دوو رۆژی رابردوو بەهۆی ئەوەی سەرپێچیان لە بڕیارەكان كردووە زیاتر لە 400 مۆڵەت و ساڵنامەی ئۆتۆمبێل وەرگیراوە".

باسی لەوەشكردوە "داوا لە هاوڵاتیان دەكەین پابەندی رێنماییەكان بن بەپێچەوانەوە سەرجەم ئەو هاوڵاتی و كەسانە سزا دەدرێن كە سەرپێچی دەكەن".