مەودا میدیا-


وتەبێژی بەڕێوبەرایەیەتی پۆلیسی پارێزگای سلێمانی ئاگاداری هاوڵاتییان دەکاتەوە کە پابەندی رێنماییەکان بن ئاماژەی بەوەشکرد بەهەموو شێوەیەک کۆبوونەوەی خەڵك لە دوکان و کۆڵانەکاندا قەدەغەیە.

سەرکەوت ئەحمەد، وتەبێژی بەڕێوبەرایەیەتی پۆلیسی پارێزگای سلێمانی لە کۆنگرەیەکی رۆژنامەوانیدا رایگەیاند "خەڵکانێکی زۆر لە گەڕەکەکاندا رێنماییەکان جێبەجێ ناکەن ئەمەش پێچەوانەی رێنماییە تەندروستییەکانە، چونکە بەهەموو شێوەیەک کۆبوونەوەی خەڵك لە دوکان و کۆڵانەکاندا قەدەغەیە".

ئاماژەی بەوەشکرد "ئێمە هاوڵاتییان ئاگادار دەکەینەوە پابەندی رێنماییەکان بن، چونکە بە پێچەوانەوە ئەو کەسانەی کۆدەبنەوە لە شوێنە گشتییەکان و دوکانەکان ئێمە بەهەموو شێوەیەک رێگری لێدەکەین".

وتەبێژی بەڕێوبەرایەیەتی پۆلیسی پارێزگای سلێمانی  وتی "بەهەموو شێوەیەک هاتووچۆی ئۆتۆمبێل بەبێ هۆکار سەرپێچییە و رووبەڕووی یاسا دەکرێتەوە".