لە پشت ئەم وێنە بەرجەستەیەی مامی گەورە کە ئەفراندنی کاک مەحمود خۆشناوە، ھەزاران وێنەی شەھیدانی یەکێتیی دیارن کە بە خوێنی گەشیان تابلۆ گەشبینەکەی مامیان دروستکردووە. گەشبین بە ئایندەی یەکێتیی و ئایندەی کوردستان و ئایندەی ئەم کاروانە دوور و درێژەی کوردایەتی.

دیمەنە گەورە گەشەکە کە ئاسۆی گەشبینی رابەری بزووتنەوەکە دەردەخات، روونی دەکاتەوە کە خۆی حزبی شەھیدان ، حزبی شەھیدخواز نییە ، حزبی شەھیدپەروەرە. بەمانای ئەسڵ لە تێکۆشانەکە بۆ زیندەگیی و ئاوەدانی و ژیاندۆستییە ،لەو جێیەی ژیان بخوازێ لە پێناو ژیان و ئایندە و مافی چارەنووسە و لە جێیەی قۆرت و کۆتو بەند ھەیە شەھادەت و شەھیدی بۆ ڕاماڵینی لەمپەڕ و رێگرییە.ئەسڵ بۆ یەکریزی و تەبایی و پێکەوەییە جا کە قۆرت و رێگری ببێتە نەریتی رۆژانە ئەوا نایەکی گەورە و گران ئیرادە نیشان دەدات. حزبێك بەو کاروانە دوور و درێژە، بەو ھەموو شەھید و شاھیدەوە نامۆ و غەوارە ناتوانێ وەك میوان مامەڵەی لێلا بکات.

ئاخر ئەگەر بۆ سەودا و مامەڵە خنەخنێکیش ھەبێ شەھیدەکان دواجار شایەتی دەدەن و بۆ مێژووی کورد و کوردستان لەسەری دێنە جواب.

مینی دیمەنی گەشاوە و کۆی دیمەنی گەشبینی ئەم تابلۆیە دێنە جواب
ساڵی  2022