مەودا میدیا-

بەڕێوبەری گشتی تەندروستی سلێمانی رایدەگەیەنێت  بۆ دڵنیایی زیاتر پشکنین بۆ کارمەندانی دوکان و ماركێت و نانەواخانە و سەمونخانەکان دەکرێت.

دكتۆر سەباح نەسرەدین، بەڕێوەبەری گشتی تەندروستی سلێمانی رایگەیاند "بۆ دڵنیایی زیاتر و رێگرتن لەبڵاوبوونەوەی زیاتری ڤایرۆسی كۆرۆنا نمونەی پشكنینی ڤایرۆسی كۆرۆنا لەكارمەندی دوكان و ماركێت و نانەواخانە و سەمونخانەكانی پارێزگای سلێمانی وەردەگیرێت".

بڕیاریشە پشکنینەکان لەلایەن تیمێکی پزیشکی تایبەتەوە بۆ خاوەن و کارمەندانی ئەو شوێنانە ئەنجام بدرێت بەمەبەستی دڵنیابوون لە تەندروستییان.