مەودا میدیا-  سازگار ئەحمەد

ماوەی سێ رۆژە بەمەبەستی رووبەڕووبوونەوە و رێگریردن لە بڵاوبوونەوەی ڤایرۆسی کۆرۆنا هاتووچۆ لە ناوشاری کەرکوک  قەدەغە کراوە بەڕێوبەری هاتووچۆی کەرکوکیش دەڵێت "ئەگەر هەیە ماوەی قەدەغەی هاتووچۆ درێژبکرێتەوە".

عەمید جەمال حەکیم، بەڕێوبەری هاتووچۆی کەرکوک بە مەودا میدیای راگەیاند "بەمەبەستی رووبەڕووبوونەوە و رێگریردن لە بڵاوبوونەوەی ڤایرۆسی کۆرۆنا هاتووچۆ لەناوشاری کەرکوک تاوەکو 23ی مانگ قەدەغە کراوە".

ئاماژەی بەوەشکرد "بەشێک لە شۆفێران سەرپێچییان کردووە سزاکانیشیان یان وەرگرتنی مۆڵەتەکانیان بووە یان بە بڕی 100 هەزار دینار غەرامە کراون".

بەڕێوبەری هاتووچۆی کەرکوک ئەوەشی ئاشکرا کرد "کە تاوەکو ئەمڕۆ کە ماوەی سێ رۆژە هاتووچۆ قەدەغەکراوە زیاتر لە 200  سۆفێر غەرامە کراون".

ئەوەشی خستەڕوو "ئەگەر هەیە ماوەی قەدەغەی هاتووچۆ لە شاری کەرکوک درێژ بکرێتەوە لەبەر سەلامەتی گیانی هاوڵاتییان".