مەودا میدیا-

سبەی کاتژمێر 12:00ی شەو ماوەی قەدەغەکردنی هاتووچۆ بۆ بەرەنگاربوونەوە و رێگریکردنی لە بڵاوبوونەوەی ڤایرۆسی کۆرۆنا لە ناوخۆی شاری سلێمانی و هەولێر کۆتایی دێت و بەپێی زانیارییەکان بڕیارە ماوەکە درێژ بکرێتەوە.

بەپێی ئەو زانیاریانەی مەودا میدیا لە سەرچاوەیەکی تایبەت لە وەزارەتی ناوخۆیی حکومەتی هەرێمی کوردستان دەستی کەوتووە، بڕیارە وەزیری ناوخۆ ماوەی قەدەغەکردنی هاتووچۆ لە ناوخۆی شاری سلێمانی و هەولێر درێژ بکاتەوە بەمەمەستی زیاتر بەرەنگاربوونەوەی ڤایرۆسی کۆرۆنا.

هەربەپێی زانیارییەکان، بڕیارە ماوەی قەدەغەکردنی هاتووچۆ تاوەکو 31 ئاداری 2020 درێژ بکرێتەوە، ئەمەش لە پێناو سەلامەتی گیانی هاوڵاتییانە.

جێگای ئاماژەی، ماوەی زیاتر لە هەفتەیەکە بەمەبەستی رێگریکردن لە بڵاوبوونەوەی ڤایرۆسی کۆرۆنا وەزارەتی ناوخۆی حکومەتی هەرێمی کوردستان بڕیاری قەدەغەکردنی هاتووچۆی داوە لە ناوخۆی شاری سلێمانی و هەولێر و چەند شار و شارۆچکەیەکی دیکە.