مه‌ودا میدیا - 

نه‌خۆشخانه‌ی هیوا تایبه‌ت به‌ تووشبووانی شێرپه‌نجه‌ له‌ شاری سلێمانی، ئه‌مڕۆ سێشه‌ممه‌ ئامارێكی نوێی تایبه‌ت به‌و تووشبووانه‌ی شێرپه‌نجه‌ بڵاوكرده‌وه‌ كه‌ ئه‌مڕۆ تۆماركراون.

له‌ راگه‌یه‌ندراوێكدا كه‌ له‌سه‌ر په‌یجی خۆی له‌ فه‌یسبوك بڵاویكردووه‌ته‌وه‌، ئاماژه‌ی به‌وه‌كردووه‌ كه‌ سەرەڕای هەموو ئه‌و گرفتە داراییانەی کە هەیە، بەڵام هێشتا توانیویانە خزمەتگوزاریەکان لە ئاستێکی باڵادا بێت. 

وه‌ ده‌شڵێت: هیوادارین ئه‌م خزمەتامە بەردەوام بێت و پشتیوانی هەموو لایەک هەبێت و گرفتە دارایەکان نەبێتە هۆی لاوازبوونی خزمەتگوزاریەکانمان لەسەر ئاستی عێراق و ناوچەکە. 


ئامارەكانی ئەمرۆی نەخۆشخانەی هیوا بەرواری(٢١/١١/٢٠٢٣)

٢٥ نەخۆشی تازە تۆمار کراون 

١١٧٠ نەخۆش سەردانى نەخۆشخانەی هیوایان كردووە

٤٣٢٠ پشكنینی تاقیگەی جۆراوجۆر بۆ نەخۆش ئەنجامدراوە

١٦٤ نەخۆش پشكنینی تیشك و سۆنەر و ئیكۆیان بۆ کراوە 

٢٦٤ نەخۆش کیمیاییان وەرگرتوە و هەروەها ٧١٥ نەخۆش چارەسەری پێویستیان وەرگرتووە 

١٠٥ نەخۆش لە بەشی فریا کەوتنی خێرا داخڵبوون 

٤٥٣ نەخۆش لە قاوشە جیاجیاکانی نەخۆشخانە داخڵکراون و چارەسەری پێویستیان وەرگرتووە