مەودا میدیا-

بەڕێوەبەرایەتی بەشی پۆلیسی دارستان و ژینگەی دوكان رایدەگەیەنێت، چاودێری ووردی دەریاچەی دوکان دەکەن و مەفرەزەکانیان توانیویانە دەست بگرن بەسەر چەند پارچە تۆڕ و بەلەمێکی راوکردندا.

لە راگەیەندراوێكی بەڕێوەبەرایەتییەكە هاتووە "بەشی پۆلیسی دارستان ژینگەی دوکان لەگەڵ بنکەی پۆلیسی داستان و ژینگەی خدران توانیویانە دەست بگرن بەسەر46 تۆڕی راوی ماسیدا کەلەدەریاچەکەدا بوون لەسنوری دوکان و گوندەکانی تۆربەو پەڵکۆو خۆشاو لەگەڵ یەك یەک بەلەم".

ئەوەش خراوەتەڕوو "بەشی پۆلیسی دارستان و ژینگەی دوکان جەخت لەوە دەکەنەوە کە بەردەوام مەفرەزەیان دەبێت و لێپێچینەوە لەگەڵ هەر کەسێکدا دەکەن کە لەکاتی راگرتنی ڕاوی ماسی و وەرزی گەرا دانان راوی ماسی بکات".