کوردستانی
په‌رێز ئه‌حمه‌د: دۆخى توشبووانى ئۆتیزم زۆر خراپه
مەودا میدیا - سلێمانی |
مه‌ودا میدیا-
لێپرسراوى لقى سلێمانى كۆمه‌ڵه‌ى ئۆتیزمى كوردستان رایگه‌یاند، دۆخى توشبووانى ئۆتیزم له هه‌رێمى كوردستان و سلێمانیش خراپه، ده‌شڵێت، له سلێمانى زیاتر له 450 توشبووى ئۆتیزم تۆماركراوه.
په‌رێز ئه‌حمه‌د، لێپرسراوى لقى سلێمانى كۆمه‌ڵه‌ى ئۆتیزمى كوردستان به مه‌ودا میدیاى راگه‌یاند " دۆخى توشبووانى ئۆتیزم له هه‌رێمى كوردستان و له سلێمانیش زۆر خراپه، چونكه ئۆتیزم به‌پێى ناوچه ناگۆڕێت و ژینگه‌ى ناوچه‌كه‌ش كاریگه‌رى له‌سه‌ر دۆخه‌كه ده‌بێت".
هه‌روه‌ها وتى " له سنورى سلێمانى زیاتر له 450 توشبووى ئۆتیز هه‌یه، هه‌روه‌ها هه‌موو هه‌فته‌یه‌كیش لیژنه‌كان مناڵ ده‌بینێ بۆ ئه‌وه‌ى بزانرێت توشبووى تر هه‌یه یان نا، هه‌ندێك توشبووش هه‌یه ناو تۆمار ناكات و هه‌ندێكیش بڕواى به‌وه نییه، له كۆمه‌ڵه‌ى ئۆتیزمى سلێمانیش 375 توشبووى ئۆتیزم هه‌یه، له رووى ماددى و مه‌عنه‌وه‌یه دۆخیان خراپه و خێزانه‌كانیشیان دۆخیان خراپه له رووى دارایی".
ئاماژه‌ى به‌وه‌شكرد "حكوومه‌ت و لایه‌نى په‌یوه‌ندیدار و خێرخوازانیش تا راده‌یه‌كى كه‌م هاوكارن، پێویسته هاوكارى ئه‌و توشبوو و خێزانانه بكرێت له رووى دارایی و پێویستییه‌كانى تر، ده‌بێت هه‌مووان له دۆخى ئه‌و منداڵانه تێبگه‌ن و بچن به هانایانه‌وه".
ه،ع
بیروڕا
