مه‌ودا میدیا-

به‌ڕێوه‌به‌رى نوسینگه‌ى منداڵپارێزى فه‌له‌ستین رایگه‌یاند، رۆژانه‌ له‌ غه‌ززه‌ لانى كه‌م 10 منداڵ قاچ و ده‌ستیان له‌ ده‌ستده‌ده‌ن.

جه‌یسن لى، به‌رپرسى نوسینگه‌ى منداڵپارێزى فه‌له‌ستین رایگه‌یاند "شه‌ڕى فه‌له‌ستین گه‌یشتووه‌ته‌ دۆخێكى چڕ بۆ منداڵان، منداڵ قوربانى یه‌كه‌مى ئه‌و شه‌ڕه‌ن و رۆژانه‌ منداڵێكى زۆر گیانله‌ده‌ستده‌ده‌ن یان ئه‌ندامێكى له‌شیان له‌ده‌ستده‌ده‌ن".

باسى له‌وه‌شكرد "له‌سه‌ره‌تاى شه‌ڕه‌كه‌وه‌ تا ئێستا هه‌زار منداڵ قاچێك یان هه‌ردوو قاچیان له‌ ده‌ستداوه‌، به‌ جۆرێك رۆژانه‌ 10 منداڵ قاچ يان ده‌ستیان له‌ ده‌ستده‌ده‌ن".

شایه‌نى باسه‌، له‌ مانگى ئۆكتۆبه‌رى ساڵى 2023 شه‌ڕى ئیسرائیل و غه‌ززه‌ ده‌ستیپێكرد و به‌هۆیه‌وه‌ تا ئێستا سه‌رو 22 هه‌زار كه‌س له‌ فه‌له‌ستین بوونه‌ته‌ قوربانى و له‌ ناویشیاندا زۆرینه‌یان منداڵن.

 ه،ع