مەودا میدیا-

وتەبێژی حکومەتی هەرێمی کوردستام رایدەگەیەنێت هەرکەسێک لە شوێنی مەسرور بارزانی بوایە ئێستا تۆزی حكومەتەكەی نەمابوو، ئاماژە بەوەشدەکات بەشێک لە حزبەکان نانی خەڵکیان بە سیاسی کردووە.

پێشەوا هەورامانی، وتەبێژی حكومەتی هەرێمی كوردستان بۆ میدیای پارتی راگەیاندووە "ئەوانەی قسەی گەورە لە دژی ئەم حكومەتە دەكەن، هەركامێكیان لە شوێنی مەسرور بارزانی، سەرۆكی حكومەت بونایە ئێستا تۆزی حكومەتەكەشیان نەمابوو".

ئاماژەی بەوەشکردووە "لە كوێی دنیادا هەبووە، حكومەتێك هەوڵبدات نرخی نان هەرزان بكات، لایەنی پێكهێنەری حكومەت كە لە حكومەت لەگەڵتایە بەیاننامەت لە دژ دەربكات".
 
وتەبێژی حكومەتی هەرێمی كوردستان ئەوەشی خستەڕوو "نابەرپرسانە كۆمەڵێك ئەحزابی سیاسی تەنانەت نانی خەڵكیشیان بە سیاسیكردووە".

س.ر