مەودا میدیا- محەمەد فایەق

 

پارێزگای سلێمانی پەیامێکی بڵاوکردەوە دەربارەی هێرشەکەی شەوی رابردوو بۆ سەر هەولێر، لە پەیامەکەیدا هاتووە کە هێرشە مووشەکییەکەی سەر هەولێر ئیدانە دەکەین و داوای یەکڕیزی لایەنە سیاسییەکان دەکەین.

 

هەڤاڵ ئەبوبەکر، پارێزگای سلێمانی لە پەیامەکەیدا رایگەیاند ''بەناوی پارێزگای سلێمانییەوە، بە توندیی سەرکۆنەی هێرشەکانی سەر هەولێری پایتەختی هەرێمی کوردستان و هەموو ناوچەکانی تری هەرێمی کوردستان دەکەین، پرسە و هاوخەمیی خۆمان بۆ قوربانییەکان دەردەبڕین و هیوای چاکبونەوەی خێرا بۆ بریندارەکان دەخوازین''.

 

پارێزگای سلێمانی ئەوەشی خستەڕوو ''داواکارین ئەم هێرشانە لەلایەن وڵاتانی ناوچەکەوە بۆ سەر هەرێمی کوردستان ڕابگیرێن، شەڕ هیچ کێشەیەک چارەسەر ناکات، تەنها ئاشتیی و سەقامگیریی لە ناودەبات و کێشەکان ئاڵۆزتر دەکات، ئاسایش و ئابووریی ناوچەکە بەگشتیی دەخاتە ژێر مەترسییەوە''.

 

هەروەها ئاماژەی بەوەشکرد ''داوا لە لایەنە سیاسییەکان و حکومەتی هەرێمی کوردستان دەکەین، یەکڕیزیی لە نێوخۆدا بهێننەکایەوەو، خۆیان لەهەر لایەنداریی و هەژمونێکی ناوچەیی و نێودەوڵەتیی؛ بەدوور بگر''.

م.ف