مه‌ودا میدیا-

به‌هۆى به‌رده‌وامى بایكۆتى مامۆستایان، له‌ چه‌ندین ناوچه‌ مووچه‌ى مامۆستایان راگیراوه‌ و داوایانلێكراوه‌ ده‌بێت پابه‌ندى ده‌وامبن به‌ پێچه‌وانه‌وه‌ مووچه‌یان پێنادرێت.

به‌پێى ئه‌و زانیارییانه‌ى به‌ مه‌ودا میدیا دراوه‌ "له‌ سنورى پیره‌مه‌گرون و په‌روه‌رده‌ى دوكان مووچه‌ى چه‌ندین مامۆستا به‌هۆى بایكۆته‌وه‌ راگیراوه‌، ئه‌وه‌ش له‌كاتێكدایه‌ ئه‌مڕۆ یه‌كشه‌ممه‌، مووچه‌ى وه‌زاره‌تى په‌روه‌رده‌ دابه‌شكراوه‌".

هه‌روه‌ها "له‌ چه‌ندین په‌روه‌رده‌ى تر فۆڕمێكى تایبه‌ت ره‌وانه‌ى قوتابخانه‌كان كراوه‌ و هه‌ر مامۆستایه‌ك له‌ سبه‌ینێ دووشه‌ممه‌ ئه‌گه‌ر بایكۆت بكات ناوى له‌و لیسته‌دا ده‌نوسرێت و ره‌وانه‌ى په‌روه‌رده‌كان ده‌كرێن بۆ سزادانیان".

زیاتر له‌ 140 رۆژه‌ مامۆستایانى سلێمانى بایكۆتى ده‌وامیان كردووه‌ و ئاماده‌نین بچنه‌وه‌ هۆڵه‌كانى قوتابخانه‌.