مه‌ودا میدیا-

به‌رپرسى سه‌ندیكاى عه‌لوه‌ى سلێمانى رایگه‌یاند، به‌هۆى هه‌موو پارێزگاى سلێمانى له‌ خوار و ناوه‌ڕاستى عیراق 15 كیلۆ بامێى بۆ هاتووه‌ و به‌خێرایی ته‌واوبوو.

سه‌روه‌ر عه‌لى، به‌رپرسى سه‌ندیكاى عه‌لوه‌ى سلێمانى به‌ مه‌ودا میدیاى راگه‌یاند "بامێى عیراقى پێگه‌یشتووه‌ و كه‌وتووه‌ته‌ بازاڕه‌وه‌، به‌ڵام بڕێكى زۆر كه‌مه‌و ته‌نها چه‌ند كیلۆیه‌كه‌و به‌خێرایی ته‌واو ده‌بێت".

وتیشى "بۆ هه‌موو پارێزگاى سلێمانى 15 كیلۆ بامێى عیراقى هاتووه‌ و كیلۆى له‌ عه‌لوه‌ى به‌ 35 هه‌زار دیناربوو، له‌ ده‌ره‌وه‌ ده‌فرۆشرایه‌وه‌ به‌ 45 هه‌زار دینار".

باسى له‌وه‌شكرد" ورده‌ ورده‌ بامێى عیراقى پێده‌گات و به‌ بڕێكى زیاتر ده‌خرێته‌بازاڕه‌وه‌ و دوارتریش نرخه‌كه‌ى داده‌به‌زێت، هه‌ندێ خواردن هه‌ن سه‌ره‌تا كه‌ پێده‌گه‌ن نرخه‌كه‌ى گرانه‌، وه‌ك هه‌ڵوژه‌ و گه‌ڵاَمێو و بامێ".

ه،ع