مه‌ودا میدیا-

ئێواره‌ى ئه‌مڕۆ یه‌كشه‌ممه‌، نرخى دۆلار به‌رانبه‌ر به‌ دینارى عیراقى دابه‌زی به‌راورد به‌ به‌یانى له‌ كاتى كردنه‌وه‌ى بازاڕ.

ئیبراهیم غه‌فور، خاوه‌نى كۆمپانیاى ئاڵوگۆڕى دراو له‌ سلێمانى به‌ مه‌ودا میدیاى راگه‌یاند "نرخى دۆلار دواى مه‌زادى ئه‌مڕۆى بانكى ناوه‌ندى دابه‌زینى تۆماركرد به‌راورد به‌ به‌یانى له‌كاتى كردنه‌وه‌ى بازاڕ".

باسى له‌وه‌شكرد "100 دۆلار بۆ 150 هه‌زار و 800 دینار دابه‌زى، له‌كاتێكدا به‌یانى ئه‌مڕۆ 100 دۆلار به‌ 151 هه‌زار و 500 دیناربوو".

شایه‌نى باسه‌، ئه‌مڕۆ یه‌كشه‌ممه‌، بانكى ناوه‌ندى سه‌رو 210 ملیۆن دۆلارى خسته‌بازاڕه‌وه‌ و 39 ملیۆن دۆلارى به‌شێوه‌ى كاشبوو.

ه،ع