مەودا میدیا- 
بەیانی ئەمڕۆ نرخی نەوت لە بازاڕەكانی جیهاندا بەرزبووەی تۆماركرد و زێڕیش بەرزترین ئاستی لەماوەی سێ مانگی رابردوودا تۆماركرد.
 
بەیانی ئەمڕۆ شەممە نرخی نەوت لە بازاڕەكانی جیهاندا بە رێژەی 2٪ بەرزبووەوە، بەجۆرێك نرخی نەوتی برێنتی دەریای باكوور یەك دۆلار و 64 سەنت بەرزبووەوە و بە 83 دۆلار و 55 سەنت مامەڵەی پێوەكرا، نرخی نەوتی سووكی تەكساسی ئەمریكاش یەك دۆلار و 71 سەنت بەرزبووەوە و بە 79 دۆلار و 97 سەنت مامەڵەی پێوەكرا.
 
بەوپێەش نرخی نەوتی برێنت لە ئاستی هەفتانەدا بە رێژەی 2.4٪ و نرخی نەوتی سووكی تەكساس بە رێژەی 4.5٪ بەرزبوونەوەی بەخۆیەوە بینیوە.
 
لەلایەكی تریشەوە، نرخی زێڕ بەیانی ئەمڕۆ شەممە لە كاتی داخستنی بازاڕەكانی جیهان بەرزبووەوە و هەر ئۆنسەیەكی بە 2082.75 دۆلار مامەڵەی پیوەكرا.
 
هۆكاری بەرزبوونەوەی نرخی زێڕ دەگەرێتەوە بۆ سستبوونی چالاكی كارگەكان لە ئەمریكا و هەروەها دابەزینی هەستی بەكاربەر لەو وڵاتە. 

ئ پ