مەودا میدیا-

قی سلێمانی سه‌ندیكای كارمه‌ندانی ته‌ندروستی كوردستان بڕیاریدا سه‌رجه‌م نۆرینگه‌كانی سلێمانی به‌پێی رێكارو مه‌رجه‌ ته‌ندروستییه‌كان بکرێنەوە.

لقی سلێمانی سه‌ندیكای كارمه‌ندانی ته‌ندروستی كوردستان له‌راگه‌یه‌نراوێكدا بڵاویکردەوە "دوای گفتوگۆ له‌گه‌ڵ به‌رِێوه‌به‌رایه‌تی گشتی ته‌ندروستی سلێمانی و لایه‌نه‌ په‌یوه‌ندیداره‌كان برِیارمانداوه‌ به‌كردنه‌وه‌ی سه‌رجه‌م نۆرینگه‌كانی كارمه‌ندانی ته‌ندروستی، كه‌له‌ 15ی ئاداره‌وه‌و له‌دوای بڵاوبوونه‌وه‌ی ڤایرۆسی كۆرۆنا له‌پێناو به‌رژه‌وه‌ندی گشتی و پاراستنی هاوڵاتییان داخرابوون".

ئەوەش خراوەتەڕوو "كردنه‌وه‌ی نۆرینگه‌كان به‌پێی رێكاره‌ ته‌ندروستییه‌كان ده‌بێت و وه‌ك ده‌رمان رشتن و به‌كارهێنانی ماسك و ده‌ستكێش و دروستنه‌كردنی قه‌ره‌باڵغی له‌ نۆرینگه‌كاندا، هه‌روه‌ها نابێت چاره‌سه‌ری ئه‌و كه‌سانه‌ بكرێت كه‌نیشانه‌كانی ڤایرۆسی كۆرۆنایان تێدایه‌ و تۆمارێكیش بۆ سه‌ردانیكه‌ران هه‌بێت".