مه‌ودا میدیا-

لیژنه‌ى دیاریكردنى كاره‌باى موه‌لیده‌ ئه‌هلییه‌كان نرخى ئه‌مپێرى موه‌لیده‌ى بۆ مانگى ئادار دیاریكرد و ئه‌مپێرى له‌نێوان 13 بۆ 14 هه‌زار دینار ده‌بێت.

به‌ڕێوه‌به‌رایه‌تى گشتى كاره‌باى سلێمانى بڵاویكرده‌وه‌ "لیژنه‌ی دیاریكردنی نرخی موه‌لیده‌ ئه‌هلییه‌كان کۆبوونەوە و به‌پێی نرخی سوته‌مه‌نی له‌ بازاڕه‌كاندا نرخی هه‌ر كاتژمێرێك بۆ یه‌ك ئه‌مپێر 40 دینارە،".

باس له‌وه‌شكراوه‌ "نرخی یه‌ك ئه‌مپێر كاره‌بای موه‌لیده‌ی ئه‌هلی له‌ ناو شاری سلێمانی له‌نێوان (13.000) بۆ (14.000) دیناردایه‌، بەو پێیەى موەلیدەکان لە نێوان (320 بۆ 350) کاتژمێر کاریان کردوە، به‌هۆی جیاوازی كارکردنیان، نرخی ئه‌مپێرێك كاره‌بای موه‌لیده‌ی گه‌ڕه‌كێك بۆ گه‌ڕه‌كێكی دیكه‌ جیاواز ده‌بێت".

هەروەها هەندێک شوێن بەرنامەى کارکردنى موەلیدەکانیان لە (7)ى بەیانى بۆ (1)ى شەوە، نرخى ئەمپێریان (15.500 بۆ 17.000 ) دینارە.

ع،ه