مه‌ودا میدیا-

به‌هۆى جه‌ژنه‌وه‌ گه‌شتیارێكى زۆر چوونه‌ته‌ سلێمانى و به‌شێك له‌ هۆتێل و میوانخانه‌كانیش له‌ لایه‌ن گه‌شتیارانه‌وه‌ گیراون.

عه‌تا ئه‌نوه‌ر، سه‌رۆكى كۆمپانیاو نوسینگه‌ گه‌شتیارییه‌كانى سلێمانى به‌ مه‌ودا میدیاى راگه‌یاند "به‌هۆى جه‌ژنه‌وه‌ گه‌شتیارێكى زۆر چوونه‌ته‌ شارى سلێمانى و چه‌ند رۆژێكیش ده‌بێت به‌شێكى هۆتێل و میوانخانه‌كان له‌ لایه‌ن گه‌شتیارانه‌وه‌ گیراون".

باسى له‌وه‌شكرد "هاتنى گه‌شتیاران ئه‌مڕۆ هه‌تا دره‌نگانى شه‌و به‌رده‌وام ده‌بێت و ئه‌وه‌ش جوڵه‌یه‌كى زۆر باش ده‌خاته‌ بازاڕ".

هه‌روه‌ها وتى "به‌شێكى ئه‌و گه‌شتیارانه‌ له‌ رێگه‌ى گروپى گه‌شتیاریی هاتوون و په‌یوه‌ندى باش له‌نێوان كۆمپانیاكانى سلێمانى و كۆمپانیاكانى شاره‌كانى خوار و ناوه‌ڕاست هه‌یه‌ بۆ هاتنى گه‌شتیار".

وتیشى "پێشبینى ده‌كرێت بۆ رۆژانى جه‌ژن گه‌شتیارێكى زۆر بێنه‌ سنوره‌كه‌، به‌ڵام كه‌شوهه‌واش كاریگه‌رى له‌سه‌ر رێژه‌ى گه‌شتیار ده‌بێت".

ع،ه