مەودا میدیا-
بەهۆی ئەوەی سعودیە نرخی نەوتی خۆی لە بازاڕی ئاسیا و ئەوروپا و وڵاتانی كەناری دەریای ناوەڕاست بەرزكردەوە، بەیانی ئەمڕۆ نرخی نەوت دوای كردنەوەی بازاڕەكانی ئاسیا بەرزبووەوە.
 
ئەمڕۆ دووشەممە، نرخی یەك بەرمیل نەوتی سووكی تەكساسی ئەمریكا 29 سەنت بەرزبووەوە و گەیشتە 78 دۆلار و 40 سەنت، یەك بەرمیل نەوتی برێنتی دەریای باكووریش 28 سەنت بەرزبووەوە و گەیشتە 83 دۆلار و 24 سەنت. 
 
یەكێكی تر لە هۆكارەكانی بەرزبوونەوەی نەوت ئەوەیە كە دانوستاندنەكانی پەیوەست بە ئاگربەستی نێوان ئیسرائیل و غەززە تائێستا بە ئەنجام نەگەیشتوون، ئەوەش مەترسییە جیۆسیاسییەكانی لە بازاڕی نەوتدا زیادكردووە و بازاڕەكەی بە ناسەقامگیریی هێشتووەتەوە. 
ئ.پ