مه‌ودا میدیا-

ئه‌و شه‌پۆله‌ باران بارینه‌ى چه‌ند رۆژى رابردوو كه‌ هه‌رێمى كوردستانى گرته‌وه‌، زیانى به‌ گه‌نمى جوتیاران گه‌یاندووه‌.

خه‌سره‌و جاف، جوتیارى نمونه‌یی له‌ شاره‌زوور به‌ مه‌ودا میدیاى راگه‌یاند "ئه‌و بارانه‌ى كه‌ ماوه‌ى زیاتر له‌ هه‌فته‌یه‌ك به‌شێوه‌ى لێزمه‌ و ته‌رزه‌ هه‌رێمى كوردستان و ناوچه‌ جیاجیاكانى هه‌رێمى گرته‌وه‌ زیانى به‌ گه‌نمى جوتیاران گه‌یاندووه‌".

باسى له‌وه‌شكرد "ئه‌و بارانه‌ى بووه‌ هۆى ئه‌وه‌ى به‌شێك له‌ گه‌نم تووشى گه‌نین بێت و زیان به‌ رێژه‌ى گه‌نم بگه‌یه‌نێت، له‌ ناوچه‌ى قه‌ره‌داغ خه‌ساره‌ى داوه‌ و ته‌رزه‌ بووه‌، له‌ ده‌ستى شاره‌زوور زیانى زۆر داوه‌".

وتیشى "به‌ره‌و كۆتایی پرۆسه‌ى گه‌نمى ئه‌مساڵ ده‌چین و له‌ چه‌ند رۆژى داهاتوو به‌پێى ناوچه‌كان ده‌ستده‌كرێت به‌ دروێنه‌ى گه‌نم".

ع،ه