مه‌ودا میدیا-

كه‌شناسیی هه‌رێم، پێشبینییه‌كانى له‌باره‌ى كه‌شوهه‌واى ئه‌مڕۆ و سبه‌ىنێ بڵاوكرده‌وه‌ و رایده‌گه‌یه‌نێت "ئاسمان به‌گشتیی هه‌وری ته‌واو ده‌بێت له‌ هه‌ندێك ناوچه‌ نیمچه‌ هه‌ور ده‌بێت، پله‌كانی گه‌رماش 2 تا 4 پله‌ روو له‌ به‌رزبوونه‌وه‌ ده‌كه‌ن".

له‌ راگه‌یه‌ندراوێكدا، به‌ڕێوه‌به‌رایه‌تیی گشتیی كه‌شناسیی و بوومه‌له‌رزه‌زانیی  هه‌رێمى كوردستان رایگه‌یاندووه‌ "ئه‌مڕۆ شه‌ممه‌ ئاسمان به‌گشتیی هه‌وری ته‌واو ده‌بێت له‌ هه‌ندێك ناوچه‌دا نیمچه‌ هه‌ور ده‌بێت، له‌گه‌ڵ ئه‌گه‌ری نمه‌ باران له‌ سنووری پارێزگای دهۆك و  له‌ناوچه‌ شاخاوییه‌ به‌رزه‌كانی پارێزگای هه‌ولێریش له‌كاته‌كانی شه‌ودا".

ده‌شڵێت "پله‌كانی گه‌رماش 2 تا 4 پله‌ به‌راورد به‌ تۆماركراوی دوێنێ به‌رزده‌بنه‌وه‌".

سه‌باره‌ت به‌ سبه‌ی یه‌كشه‌ممه‌، ئاشكرایكردووه‌ "ئاسمان له‌ نێوان په‌ڵه‌ هه‌ور بۆ  نیمچه‌ هه‌ور ده‌بێت، له‌كاته‌كانی شه‌ودا ده‌گۆرێت بۆ هه‌وری ته‌واو، پله‌كانی گه‌رماش به‌ رێژه‌ی 1 تا 2 پله‌ نزم ده‌بنه‌وه‌".

به‌رزترین پله‌كانی گه‌رمای پێشبینیكراو به‌ پله‌ی سیلیزی:

هه‌ولێر: 31

سلێمانی؛: 29

دهۆك: 28

كه‌ركوك: 34

هه‌ڵه‌بجه‌: 29

زاخۆ: 29

سۆران: 27

حاجی ئۆمه‌ران: 20

گه‌رمیان: 36

پ ح ع