مەودا میدیا-
لە وتارێكدا لە مەراسیمی كردنەوەی مزگەوتی مەلا عەبدولكەریمی مودەڕیس دوای نۆژەنكردنەوەی، د.هەڤاڵ ئەبوبەكر، پارێزگاری سلێمانی داوایكرد مزگەوتەكان نەكرێن بە سەنگەری بەرەنگاربوونەوەی یەكتری. 

د.هەڤاڵ ئەبوبەكر، ئاماژەی بۆ ئەوەكرد"زۆربوونی تەریقەت و مەزهەب و مەدرەسە و بیروبۆچوونەكان شتێكی جوانە لە هەموو ئاینەكاندا و یەكێكە لە ئایاتەكانی خوای گەورە، كە ئەو جیاوازییانە ئەگەر نەبێت بە ناكۆكی و دووبەرەكی كارێكی گەورەی لێدەكەوێتەوە و خزمەت بە كۆمەڵگە دەكات".

وتیشی"تكاتان لێدەكەم با مزگەوتەكان شوێنی بەیەكگەیشتن بن و تەنها بۆ پرسەی مردووەكان تیایدا كۆنەبینەوە". 

باسی لەوەشكرد"پێویستە مزگەوتەكان تەنها قورئانی پیرۆز و كتێبە ئاینییەكانی خۆمانی تێدا نەبێت، بەڵكو كتێبخانەیەك بن كە هەموو خەڵك بتوانن سوودی لێوەربگرن و ناوەندێك بن بۆ كۆكرنەوە و فێركردنی خەڵك. 
ئ.پ