مه‌ودا میدیا-

سه‌رۆكى حكومه‌تى هه‌رێمى كوردستان له‌ باره‌ى دواكه‌وتنى مووچه‌ى فه‌رمانبه‌رانى هه‌رێم ده‌ڵێت، با هاوڵاتییان پرسیار له‌ به‌غدا بكه‌ن له‌باره‌ى دواكه‌وتنى مووچه‌.

مه‌سرور بارزانى، سه‌رۆكى حكومه‌تى هه‌رێم رایگه‌یاند "حكومه‌تى هه‌رێم هه‌موو پابه‌ندییه‌كانى خۆى به‌رانبه‌ر به‌ به‌غدا جێبه‌جێكردووه‌ و هیچ گرفتێك لاى ئێمه‌وه‌ نییه‌".

باسى له‌وه‌شكرد "ئه‌وه‌ى كه‌ په‌یوه‌ندى به‌ دواخستنى مووچه‌ى فه‌رمانبه‌رانى هه‌رێم هه‌یه‌ لاى به‌غدایه‌، با هاوڵاتییان پرسیار له‌ به‌غدا بكه‌ن كه‌ بۆچى مووچه‌ دواده‌خه‌ن".

ئه‌وه‌ش له‌كاتێكدایه‌، وه‌زاره‌تى دارایی عیراق ئه‌مڕۆ یه‌كشه‌ممه‌ رایگه‌یاند "حكومه‌تى هه‌رێم پابه‌ندنییه‌ و داهاتى نانه‌وتى راده‌ستى به‌غدا نه‌كردووه‌".

ع،ه