مەودا میدیا-
ئەمڕۆ لە كاتی كردنەوەی بازاڕەكان، بەهۆی كەمبوونەوەی خواست لەسەر سووتەمەنی لە ئەمریكا نرخی نەوت بەردەوامبوو لە دابەزین. 
 
دوای كردنەوەی بازاڕەكان نرخی یەك بەرمیل نەوتی برێنتی دەریای باكوور 27 سەنت دابەزی و بە 82 دۆلار و 52 سەنت مامەڵەی پێوەكرا. 
 
ئەوەش لە كاتێكدایە هەفتەی رابردوو نرخی نەوتی برێنت و سووكی تەكساس یەك دۆلار دابەزیبوون، دوای ئەوەی چەندین بەرپرسی بانكی ناوەندیی ئەمریكا رایانگەیاندبوو رێژەی سوودی بانكی لە ئاستێكدا نییە، كە ببێتە هۆكاری دابەزینی هەڵاوسان، مانەوەی رێژەی سوودی بانكیش لە ئاستێكی بەرز و بۆ ماوەیەكی درێژتر، دەبێتە هۆكار بۆ كەمبوونەوەی خواست لەسەر بەكارهێنانی نەوتی خاو لە جیهان و بە تایبەت ئەمریكا. 
ئ.پ