مەودا میدیا-
بەپێی راگەیەنراوێكی وەزارەتی تەندروستیی هەرێمی كوردستان، هەر شوێنێك دەرمان و پێداویستی پزیشكی بێستیكەر بە هاوڵاتییان بفرۆشێت سزای توند دەدرێت. 

لە راگەیەنراوەكەدا وەزارەتی تەندروستیی هەرێم هاوڵاتییان ئاگاداردەكاتەوە كە خۆیان بەدووربگرن لە دەرمان یان هەر پێداویستییەكی پزیشكی بێستیكەری كوالیتی كۆنتڕۆڵ بۆئەوەی دووربن لە زیانە تەندروستییەكان.

ئاماژە بۆ ئەوەش دەكات كە فرۆشتنی دەرمان و پێداویستی پزیشكی بەبێ كوالیتی كۆنتڕۆڵ بە دەرمانی نایاسایی و قاچاغ دادەنرێت، بۆیە هەركەس ئەو كارە بكات بەپێی یاسا سزا دەدرێت. 

باسی لەوەشكردووە، پێشتر هەموو كۆمپانیا، كۆگا و دەرمانخانەكانیان لەوە ئاگاداركردووەتەوە كە دەرمان و پێداویستی پزیشكی بێستیكەر بە تاوان دادەنرێت و سزای توندی سەرپێچیكاریش دەدرێت.
ئ.پ