مەودا میدیا- 
وەزارەتی دارایی حكومەتی عیراق رایگەیاند، وەزارەتەكەیان رەزامەندی داوە بە ناردنی مووچەی مانگی نیسانی فەرمانبەرانی هەرێم و سەرەتاش دەستیكردووە بە ناردنی مووچەی خانەنشینان و كەسوكاری شەهیدان و چاودێری كۆمەڵایەتی.  

وتیشی" یەكەم گوژمەی پارەكە 130 ملیار دینارە و تایبەتە بە خانەنشینان و كەسوكاری شەهیدان و چاودێری كۆمەڵایەتی ". 

ئاماژەی بۆ ئەوەشكردووە" هەر ئەمڕۆ تەواوی پارەی مووچەی مووچەخۆرانی هەرێم بۆ مانگی نیسان دەنێردرێت و وەزارەت لەدوای وەزارەت پارەدار دەكرێن". 

هاوكات وەزارەتی دارایی هەرێم رایگەیاندووە" تا تەواوی پارەكەی بەغدا نەگات دەست بە دابەشكردنی مووچە ناكەن". 
ئ.پ