ئابووری
به دوو مهرج زهوى وهردهگریت"خانەنشینانيش دەگرێتەوە"
مەودا میدیا - سلێمانی |
![به دوو مهرج زهوى وهردهگریت"خانەنشینانيش دەگرێتەوە"](/uploads/article/thumbnail/37678/slider_92832024_19.jpg)
مهودا میدیا-
وەزارەتی شارەوانی و گەشتوگوزارى حكومهتى ههرێم، چۆنێتى دابهشكردنى زهوى و مهرج و رێنماییهكانى وهرگرتنى زەوی له لایهن فەرمانبەرانهوه ئاشكرا دهكات و رایدهگهیهنێت "هەر فەرمانبەرێك پێشتر سوودمەند نەبووبێت و خزمەتی لە ههشت ساڵ زیاتر بێت، وەرگرتنی زەوی دەیگرێتەوە".
موفیدە یونس، راوێژكاری یاسایی لە وەزارەتی شارەوانی و گهشتوگوزار بۆ میدیای فەرمی حكومەتی هەرێمى كوردستان ئاماژهى بهوهكردووه "بەپێی بڕیاری ئەنجومەنی وەزیرانی هەرێم تایبەت بە دابەشكردنی زەوی بەسەر فەرمانبەراندا، وەزارەت هەستاوە بە ئەنجامدانی رێكارەكانی تایبەت بە دابەشكردنی زەوی و بۆ ئەوەش رێنمایی تایبەتی ئامادەكردووە و لەلایەن وەزیری شارەوانییەوە واژۆ كراوەتهوه و دواتر لە رۆژنامهى وەقائیعی كوردستان بڵاودەكرێتەوە".
ئهوهشى خستووهتهڕوو "ئەو فەرمانبەرانەی پێشتر سوودمەند نەبوون و ئەو خانەنشینانەی لەكاتی خزمەتی وەزیفی سوودمەند نەبوون پێدانی زەوی دەیانگرێتەوە".
موفیده یونس، روونیشیكردووهتهوه "دابەشكردنی زەوی بەسەر فەرمانبەران بەپێی دوو بنەما دەبێت، ئهوانیش بەپێی شوێنی لەدایكبوون و شوێنی كاركردن دەبێت و هەروەها بەپێی بوونی شوێنی پێویست لە سنووری هەر شارەوانییەك و بۆ ئەوەش فەرمانبەر سەرپشك دەبێت، كە لە شوێنی لەدایكبوونی یان سنووری شوێنی كارەكەی زەوی وەربگرێت".
راشیگهیاندووه "دابەشكردنی زەوی لە سنووری هەر شارەوانییەك بەپێی تیروپشك دەبێت بەسەر فەرمانبەران و بەپێی خاڵبەندی دەبێت، كە خاڵبەندییەكە بەپێی ساڵانی خزمەت و ژمارەی ئەندامانی خێزانە، بۆیە هەر فەرمانبەرێك پێشتر سوودمەند نەبووبێت و خزمەتی لە ههشت ساڵ زیاتر بێت، وەرگرتنی زەوی دەیگرێتەوە".
پ ح ع
بیروڕا
![News](/uploads/author/picture/13/resized_IMG-20200119-WA0001.jpg)
![News](/uploads/author/picture/81/resized_3333.png)
![News](/uploads/author/picture/2/resized_%D9%A8.png)
![News](/uploads/author/picture/36/resized_69d6cdd8-2ad4-42e7-8cf3-6791b44b1035.jpg)