مەودا میدیا-
پۆلیسی دارستانی سلێمانی بڵاویكردەوە، بەمەبەستی پاراستنی گەنمی جوتیاران كار لەسەر دروستكردنی ئاگر بڕی زیاتر دەكرێت لەو ناوچانەی كە بە گەنم داچێنراون. 

هێمن كەمەرخان، وتەبێژی پۆلیسی دارستان و ژینگەی سلێمانی رایگەیاند" هەوڵدەدەین ئاگربڕی زۆر دروستبكەین بۆ پاراستنی بەرهەمی جووتیاران بۆئەوەی لە حاڵەتی ئاگركەوتنەوەدا كەمترین زیان بەر جوتیاران بكەوێت".  

وتیشی"تەنها لەمساڵدا بە تۆمەتی ئاگركرنەوە چەندین كەسیان دەستگیركردووە و دواتریش تاوانەكەیان بەسەردا ساغ بووەتەوە". 

 ئاماژەی بەوەشكرد"بەڕێوەبەرایەتییەكەیان هەموو هەوڵێك دەدات بۆئەوەی بەرهەمی گەنمی جوتیاران بپارێزێت بە تایبەت لە رووداوەكانی ئاگركەوتنەوە". 
ئ.پ