مه‌ودا میدیا-

نرخى مریشكى زیندوو له‌بازاڕه‌كاندا به‌رده‌وامه‌ له‌ دابه‌زین و هۆكاره‌كه‌شى ئه‌وه‌یه‌ مریشكێكى زۆر به‌رهه‌مهاتووه‌ و له‌ پێویستى ناوخۆ زیاتره‌ و به‌هۆى هه‌رزانبوونیشه‌وه‌ خواستیشى له‌سه‌ره‌.

رێژین قادر، مریشكفرۆش به‌ مه‌ودا میدیاى راگه‌یاند "نرخى مریشك به‌ته‌واوى هه‌رزانبووه‌ و یه‌ك كیلۆ مریشك به‌ دوو هه‌زار دیناره‌".

باسى له‌وه‌شكرد "هۆكارى دابه‌زینى مریشكى زیندوو بۆ ئه‌وه‌ ده‌گه‌ڕێته‌وه‌ مریشكێكى زۆر به‌رهه‌مهاتووه‌ و له‌ كێڵگه‌كانه‌ له‌ پێویستى ناوخۆ زیاتره‌، ئه‌وه‌ش وایكردووه‌ له‌ناوخۆ نرخه‌كه‌ى دابه‌زێت".

وتیشى "ئه‌و هه‌رزانبوونه‌ به‌رده‌وام ده‌بێت تا ئه‌و كاته‌ى مریشك كه‌مده‌بێته‌وه‌ و جارێكى تر خواست زیاتر ده‌بێت له‌ خستنه‌ڕوو".

ع،ه