مەودا میدیا-

بەپێی بڕیارێكی  بەڕێوبەرایەتی گشتیی تەندروستیی گەرمیان لە سبەینێ رۆژی چوارشەمە (1/4/2020)ەوە لە مەڵبەندە تەندروستیەكان بەشەكانی كوتانی مناڵان و ژنانی دووگیان دەكەنەوە، بەشێوەیەك كە لەم هەفتەیەدا سبەینێ و دوو سبەی بەشەكان كراوە دەبن.

هاوكات لە هەفتەی داهاتووەوە لە رۆژەكانی (یەكشەمە، دوشەمە و سێشەمە) ئەو بەشانە كراوە دەبن و هاوڵاتیان دەتوانن سەردانیان بكەن، بەو مەرجەی كارتی (دەفتەری) تایبەتی كوتانیان پێبێت.

ئەو مەڵبەندە تەندروستییانەی كە كوتانی تێدا ئەنجام دەدرێت بریتین لە:

1-كەلار: مەڵبەندی تەندروستی شێروانە (ریعایەكە)، مەڵبەندی تەندروستی گوڵاڵە، مەڵبەندی تەندروستی باباگوڕگوڕ لە كەلاری كۆن.

2-كفری: مەڵبەندی تەندروستی سەرەكی كفری.

3-باوەنور: مەڵبەندی تەندروستی پێباز.

4-رزگاری: مەڵبەندی تەندروستی گەرمیان و مەڵبەندی تەندروستی شەهید د.قاسم.

5-مەیدان: مەڵبەندی تەندروستی مەیدان.

ئەو رێنماییانەی پێویستە هاوڵاتیان رەچاوی بكەن:

1-قەرەباڵەغی دروست نەكەن و جگە لەو مناڵەی كە دەكوترێت مناڵی دیكە لەگەڵ خۆیاندا نەهێنن.

2-تەنها دایك یان باوك لەگەڵ مناڵەكەی دا دەچێتە ژورەوە، پێویستە پابەند بن بە رێنماییە خۆپارێزیەكان و دەمامك بپۆشن و دەستكێشیان لەدەستدا بێت.