مه‌ودا میدیا-

ماڵپه‌ڕى شەفافیەت داهاتی یەك مانگ بۆ پارێزگاكانى سلێمانی و هه‌ڵه‌بجه‌ و ئیداره‌ سه‌ربه‌خۆكانى راپه‌ڕین و گه‌رمیان بڵاوده‌كاته‌وه‌ و رایده‌گه‌یه‌نێت "داهاته‌كه‌ زیاتره‌ له‌ بڕی 67 ملیار دینار و داهاتى هه‌فته‌ی رابردوویش زیاتره‌ له‌ بڕی 15 ملیار دینار".

ماڵپه‌ڕى شەفافیەت بۆ چاودێری و رێكخستنی داهاتە نانەوتییەكانی پارێزگاكانى سلێمانی و هەڵەبجە و هەردوو ئیدارەی راپەڕین و گەرمیان، داهاتی یەك مانگی رابردووى بڵاوكردووه‌ته‌وه‌، بەشێوەیەك، بڕی 67 ملیار و 855 ملیۆن و 437 هەزار و 744 دینار بووە.

داهاته‌كه‌ بەجۆرێكه‌ كە 87%ی بەشێوەی نەختینەیە و 12%ی بەشێوەی چەکە و 1%ی ئه‌و داهاتەش بە شێوەی مقاصەیە.

له‌گه‌ڵ ئه‌وه‌شدا، داهاتی یەك هەفتەی سلێمانی لە رۆژی 25-5-2024 تا 31-5-2024، بڵاوكردووه‌ته‌وه‌ و رایگه‌یاندووه‌، بڕی 15 ملیار و 132 ملیۆن و 307 هەزار و 759 دینار بووە.

ماڵپه‌ڕى شەفافیەت www.shafafiat.com ، رۆژی 15-12-2022، دامه‌زراوه‌ و بڕیارە رۆژانه‌ داهاتی ئەو شوێنانە بڵاوبكرێتەوە.

پ ح ع