مەودا میدیا-
شەوی رابردوو لە كاتی داخستنی بازاڕە داراییەكاندا لە بۆرسەی جیهانیی، نرخی یەك ئۆنسە زێڕ دابەزینی زیاتری بەخۆوە بینی و گەیشتە 2327 دۆلار. 
 
بەپێی شیكردنەوەی هەندێك لە شرۆڤەكاران، دابەزینی نرخی زێڕ دابەزینێكی كاتییەوە هێشتا ئاراستەی نرخی زێڕ لە درێژخایەندا ئاراستەی بەرزبوونەوەیە.
 
دانیال غالی، شرۆڤەكاری سەر بە كۆمپانیای راوێژكاری ( تی دی سیكیوریتی) دەڵێت"بەردەوامی كڕینی زێڕ لەلایەن بانكە ناوەندییەكانەوە بەتایبەتی بانكی ناوەندی چین، بە ئەگەری زۆرەوە دەبێتە هۆكار بۆ ئەوەی نرخی زێڕ دووبارە ئاراستەی بەرزبوونەوە بگرێتەبەر".

بەپێی وتەی ئەو شرۆڤەكارە، لە درێژماوەدا نرخی زێڕ جارێكی تر بەرزدەبێتەوە و هێشتا بەرزبوونەوە كۆتایی نەهاتووە. 
ئ.پ