مه‌ودا میدیا-

بڕیارە ئەمڕۆ دووشەممە 3ى حوزه‌یرانى 2024، په‌رله‌مانى عیراق كۆببێته‌وه‌ و   به‌پێی به‌رنامەى پەرلەمانیش گفتوگۆ لەبارەى خشتەى بودجە دەکرێت.

لە کۆبوونەوەکەدا،  لیژنه‌ى دارایی راپۆرتی خۆیان دەربارەی خشتەکە بۆ پەرلەمانتاران دەخەنە ڕوو، وه‌ سه‌رۆكی لێژنه‌كه‌ش رایده‌گه‌یه‌نێت "جددین بۆ ئه‌وه‌ی راپۆرته‌كه‌ ته‌واو بكه‌ن و بیخه‌نه‌ به‌رده‌م په‌رله‌مان".

هه‌روه‌ها، نوسینگەی موحسین مەندەلاوی، سەرۆکی په‌رله‌مانى عیراق بە وەکالەت بڵاویكرده‌وه‌ "بە مەبەستی پەسەندکردنی بودجەی ئەمساڵی عیراق لەژێر رێنمایی بەندەکانی بودجەی سێ ساڵەدا، لیژنەی دارایی پەرلەمانی عیراق راسپێردراوە بۆ ئامادەکردنی کۆتا گۆڕانکارییەکان لە بودجەدا".

لە هەمواری بودجەی ساڵی 2024، پشکی هەرێمی کوردستان 20 ترلیۆن و 900 ملیار دینارە کە نزیکەی 12 ترلیۆنی بۆ مووچەی مووچه‌خۆرانه‌.

پ ح ع