مه‌ودا میدیا-

سه‌رپه‌رشتیارى كوشتارگه‌ى سلێمانى رایده‌گه‌یه‌نێت، بۆ رۆژانى جه‌ژن كوشتارگه‌ كراوه‌ ده‌بێت و داواكارین هاوڵاتییان له‌ كوشتارگه‌ قوربانییه‌كانیان ئه‌نجامبده‌ن.

شاڵاو عارف، سه‌رپه‌رشتیارى ڤێته‌رنه‌رى له‌ كوشتارگه‌ى سلێمانى به‌ مه‌ودا میدیاى راگه‌یاند "بۆ رۆژانى جه‌ژن كوشتارگه‌ى سلێمانى كراوه‌ ده‌بێت و له‌وێ له‌ چوارچێوه‌ى مه‌رج و رێنماییه‌كان ئاژه‌ڵ سه‌رده‌بڕدرێت".

وتیشى "ساڵانه‌ له‌ جه‌ژنى قوربان خه‌ڵكێكى زۆر قوربانییه‌كانیان له‌ كوشتارگه‌ ئه‌نجامده‌ده‌ن و هیوادارین ئه‌مساڵ رێژه‌كه‌ زیاتر بێت".

باسى له‌وه‌شكرد "ئه‌و ئاژه‌ڵه‌ى له‌ كوشتارگه‌ سه‌رده‌بڕدرێت ته‌ندروستتره‌ و هه‌ر نه‌خۆشییه‌كى هه‌بێت گۆشته‌كه‌ ره‌تده‌كرێته‌وه‌ و هیوادارین خه‌ڵك وشیار بن و دوربكه‌نه‌وه‌ له‌ سه‌ربڕینى ئاژه‌ڵ له‌ ماڵ و كۆڵانه‌كان".

ع،ه