مه‌ودا میدیا-

بەپێی دوایین داتاکان، كه‌ ئەنجومەنی زێڕی جیهانی بڵاویكردووه‌ته‌وه‌، یەدەگی زێڕی عیراق له‌م مانگه‌دا زیادی کردووە و  زیاتر له‌ 145 تۆنی.

له‌ راگەیەندراوێکدا، ئەنجومەنی زێڕی جیهانی رایگه‌یاندووه‌ "بەپێی دوایین داتاکان بۆ مانگی حوزەیران، قەبارەی یەدەگی زێڕی عیراق گەیشتووەتە 145 تۆن و 700 کیلۆ".

ده‌شڵێت "بەراورد بە مانگی ئایاری رابردوو کە تێیدا یەدەگی زێڕی عیراق 142 تۆن و 600 کیلۆ بوو، یەدەگی زێڕ لەم مانگەدا زیادی کردووە".

ئه‌وه‌ش هاتووه‌ "لە کۆی 100 وڵات، عیراق دابەزیوە بۆ پلەی 31ی ئەو وڵاتانەی کە خاوەنی زۆرترین یەدەگی زێڕن لە جیهاندا".

ئەنجومەنی زێڕی جیهانی، روونیكردووه‌ته‌وه‌ "ئەمه‌ریکا لە پلەی یەکەمی ئەو وڵاتانەیە کە خاوەنی زۆرترین یەدەگی زێڕن لە جیهاندا، لەدوای ئەو ئەڵمانیا بە پلەی دووەم و پاشان ئیتاڵیا بە پلەی سێیەم دێت".

پ ح ع