مەودا میدیا-

وەزارەتی تەندروستی بەریتانیا ئاماری 24 كاتژمێری رابردووی مردن و تووشبوون بە ڤایرۆسی كۆرۆنا لە وڵاتەكەی راگەیاند بەپێی ئامارەکە ژمارەی ئەو کەسانەی بەهۆی ڤایرۆسەکەوە گیان لەدەست دەدەن لە بەرزبوونەوە دایە.

وەزارەتی تەندروستی بەریتانیا رایگەیاند "لە ماوەی 24 کاتژژمێری رابردوودا 563تووشبووی كۆرۆنا گیانیان لەدەستداوە بەمەش كۆی ئەوانەی لەو وڵاتە بەهۆی ڤایرۆسەکەوە گیانیان لەدەستداوە بۆ 2 هەزار و 352 كەس بەرز بووەوە"

ئەوەشی خستەڕوو "هەر لە ماوەی 24 کاتژمیری رابردوودا 4 هەزار و 324 حاڵەتی نوێی تووشبوون بەو پەتایە لە وڵاتەكەیان تۆماركراون، بەمەش كۆی ژمارەی تووشبووان لەو وڵاتە بۆ 29 هەزار و 474 حاڵەت بەرز بووەوە".