مەودا میدیا-
نیوەڕۆی ئەمڕۆ لە گوندێكی سەر بە ناحیەی سەرقەڵا لە گەرمیان ژنێك خۆی هەڵواسی و بەهۆیەوە گیانی لەدەستدا.

بەپێی راگەیەنراوێكی بەڕێوەبەرایەتی پۆلیسی گەرمیان، نیوەڕۆی ئەمڕۆ لە گوندی عەوڵاقوتی سەر بە ناحییەی سەرقەڵا لە گەرمیان، ژنێك بە پەت خۆی هەڵواسیوە و گیانی لەدەستداوە. 

ئاماژە بۆ ئەوەشكراوە ژنەكە ناوی (گ - د - ب) بووە و لەدایكبووی ساڵی 1960 بووە كە دوای گیانلەدەستدانی تەرمەكەی براوەتە پزیشكی دادوەری قەزای كەلار و توێكاریی پزیشكی بۆ كراوە.

لە راگەیەنراوەكەی پۆلیسی گەرمیاندا هیچ ئاماژەیەك بە هۆكاری گیانلەدەستدانی ئەو ژنە نەدراوە، بەڵام باس لەوەكراوە كە پەڕاوی لێكۆڵینەوەی بۆ كراوەتەوە. 
ئ.پ