مەودا میدیا-
بەپێی پێشبینییەكانی كەشناسی هەرێم، ئەمڕۆ و سبەی ئەگەری تاوەباران و هەورەبروسكە هەیە و پلەكانی گەرماش بۆ خوار 40 پلە دادەبەزێت.

بەپێی راگەیەنراوێكی بەڕێوەبەرایەتی كەشناسی و بومەلەرزەزانی هەرێم ئەمڕۆ و سبەی 
 لە سنووری سلێمانی و سۆران و حاجی ئۆمەران پلەكانی گەرما بۆ خوار ٤٠ پلەی سیلیزی دادەبەزن و بە گشتی لە هەرێمیش پلەكانی گەرما ٢ بۆ ٣ پلە نزمدەبنەوە.


بەپێی راگەیەنراوەكە، ئەمڕۆ لە هەندێك ناوچە ئاسمان پەڵەهەور دەبێت و لە ناوچە شاخاوییەكان بۆ نیمچەهەور دەگۆڕێت، لەگەڵ ئەگەری كەمێك تاوەباران و هەورەبروسكە بەتایبەتی لە ناوچە شاخاوییە سنووریەكانی باكوور و رۆژهەڵاتدا. 

راگەیەنراوەكە ئاماژەی بەوەشكردووە، سبەی سێشەممە، ئاسمان ساماڵ و پەڵەهەور دەبێت، لەگەڵ ئەگەری كەمێك تاوەباران و هەورەبروسكە بەتایبەتی لە ناوچە سنووریەكانی باكووری رۆژهەڵاتدا. 


بەرزترین پلەكانی گەرمای پێشبینیكراو بە پلەی سیلیزی:

هەولێر : ٤٢
سلێمانی : ٣٩
دهۆك : ٤٠
كەركوك : ٤٤
هەڵەبجە : ٤١
گەرمیان : ٤٣
زاخۆ : ٤١
سۆران : ٣٩
حاجی ئۆمەران : ٢٨