مەودا میدیا-
دانانی پێوەری زیرەكی كارەبا لە گەرمیان لە قۆناغی كۆتاییدایە و بەهۆی دانانی ئەو پێوەرەشەوە كارەبا لە ئاستێكی جێگیردا ماوەتەوە. 

ئالان ئەركان، وتەبێژی كارەبای گەرمیان بە مەودا میدیای راگەیاند"دانانی پێوەری زیرەكی كارەبا لە گەرمیان تا ئێستا 85%ی كارەكانی تەواو بووە". 

وتیشی"دانانی پێوەری زیرەكی كارەبا هۆكار بووە بۆئەوەی كارەبا لە ئاستێكی جێگیردا بمێنێتەوە، بەپێچەوانەوە ئەگەر ئەو پێوەرە دانەنرایە ئەوا ئێستا كارەبا چەند كاژمێرێك كەمتر دەدرا بە هاوڵاتییان، چونكە رێژەیەكی زیاتری كارەبا لەلایەن هاوڵاتییانەوە بەكاردەهێنرا". 

ئاماژەی بۆ ئەوەشكرد"پێوەری زیرەك خواستی هاوڵاتییانی بۆ بەكارهێنانی كارەبا كەمكردووەتەوە، چونكە هەر ماڵێك دەتوانێت تەنها تا 30 ئەمپێر بەكاربهێنێت".

باسی لەوەشكرد"ئێستا 15%ی شوێنەكانی گەرمیان ماونەتەوە پێوەری زیرەكیان بۆ دابنرێت كە ئەویش لادێكانن و لە ماوەی داهاتوودا ئەوانیش تەواو دەبن". 
ئ.پ