مه‌ودا میدیا-

وته‌بێژى سه‌رۆكایه‌تیى هه‌رێمى كوردستان رایگه‌یاند، رۆژى هه‌ڵبژاردنى په‌رله‌مانى كوردستان دیاریكرا.

دڵشاد شەهاب، وتەبێژی سەرۆكایەتیی هەرێمی كوردستان رایگەیاند "بە بڕیاری سەرۆكایەتیی هەرێم بە پشتبەستن بە بڕگەی دووەم لە ماددەی 10ى یاسای سەرۆكایەتیی هەرێم رێكەوتی 20ى تشرینی یەكەمی ساڵی 2024 وەك وادەی بەرێوەچوونی هەڵبژاردنی گشتی خولی شەشەمی پەرلەمانی هەرێم دیاریكرا".

وتیشی "هەموو لایەنە سیاسیەكانی هەرێم پابەند دەبن بە هەماهەنگی لە گشت كاروچالاكییەكانی پەیوەست بە هەڵبژاردن لەگەڵ كۆمسیۆنی هەڵبژاردن بۆ جێبەجێكردنی بڕیارەكە".