مەودا ميديا-

مەسعود بارزانی، سەرۆکی پارتی دیموکراتی کوردستان رایده‌گه‌یه‌نێت "پاڵپشتی لە ئەنجامدانی هەڵبژاردنێکی بێگەرد و دوور لە دەستێوەردان دەکەن".

بارزانى، سه‌باره‌ت به‌ دیاریكردنى وادەی هەڵبژاردنی پەرلەمانی کوردستان په‌یامێكى بڵاوكرده‌وه‌ و سه‌ره‌ڕاى دەستخۆشیی كردنى لە سەرۆکایەتیی هەرێمی کوردستان، رایگه‌یاند "خوازیارن لایەنە سیاسییەکان بە رەچاوکردنی دۆخی هەرێمی کوردستان، بە بەرپرسیارێتییەوە هاوکار بن بۆ سەرخستنی پرۆسەیەکی دیموکراسییانە و پاراستنی سەقامگیری و پێکەوەژیان".

دەقی پەیامەکە:

بەناوی خودای گەورە و میهرەبان

بەبۆنەی دیاریکردنی وادەی هەڵبژاردنی خولی شەشەمی پەرلەمانی کوردستان لە 20ـی ئۆکتۆبەری 2024، دەستخۆشیی لە سەرۆکایەتیی هەرێمی کوردستان دەکەم.

پاڵپشتی لە ئەنجامدانی هەڵبژاردنێکی بێگەرد و دوور لە دەستێوەردان دەکەین. خوازیارین لایەنە سیاسییەکان بە ڕەچاوکردنی دۆخی هەرێمی کوردستان، بە بەرپرسیارێتییەوە هاوکار بن بۆ سەرخستنی پرۆسەیەکی دیموکراسییانە و پاراستنی سەقامگیری و پێکەوەژیان.

مسعود بارزانی
26ی حوزەیرانی 2024

پ ح ع