مەودا میدیا-
بە هۆی رووداوێكی هاتوچۆوە لە دوو ئۆتۆمبێلدا لەسەر رێگای كەلار-خانەقین، كەسێك گیانی لەدەستدا و كەسێكیتریش برینداربوو. 

بەڕێوەبەرایەتی هاتوچۆی گەرمیان بڵاویكردەوە، كاتژمێر 11:40 خولەكی شەوی رابردوو بەهۆی پێكدادانی ئۆتۆمبێلێكی تۆیۆتا كراون و ئۆتۆمبێلێكی تەكسی لەسەر رێگای كەلار-خانەقین، شۆفێری ئۆتۆمبێلی جۆری تەكسییەكە بە سەختی برینداربووەو بەهۆی سەختی برینەكەشیەوە گیانی لەدەستداوە.

ئاماژەی بۆ ئەوەشكردووە، شۆفێری ئۆتۆمبێلی جۆری تۆیۆتاكراونەكە برینداربووە و گەیەنراوەتە نەخۆشخانەی فریاكەوتنی شەهید هەژار لە كەلار و چارەسەری پێویستی بۆ كراوە.

باسی لەوەشكردووە، ئەو كەسەی گیانی لەدەستداوە لەدایكبووی ساڵی 1970یە و دانیشتوی قەزای خانەقینە. 

هاتوچۆی گەرمیان ئەوەشی روونكردووەتەوە كە رووداوەكە لە كاتێكدابووە كە ئەو ئۆتۆمبێلەی لە جۆری تەكسی بووە بە ئاراستەی قەزای كەلار رۆشتووە و ئەو ئۆتۆمبێلەشی كە لە جۆری تۆیۆتا كراون بووە بە ئاراستەی قەزای خانەقین رۆیشتووە. 
ئ.پ