مه‌ودا میدیا-

به‌ڕێوه‌به‌رى گشتى ئاو و ئاوه‌ڕۆى هه‌رێم رایده‌گه‌یه‌نێت، له‌ ماوه‌ى سێ ساڵى رابردوو به‌هۆى لێخۆشبوونى به‌شێكى پاره‌ى ئاو، به‌ سه‌دان هه‌زار كه‌س سودمه‌ندبوون.

ئارى ئه‌حمه‌د، به‌ڕێوه‌به‌رى گشتى ئاو و ئاوه‌ڕۆى هه‌رێم به‌ مه‌ودا میدیاى راگه‌یاند "له‌ ساڵى 2021 كه‌ بڕیاری لێخۆشبوونى له‌ %15ى ئاو چووه‌ته‌ بوارى جێبه‌جێكردن و چه‌ندجارێك دوباره‌ بووه‌ته‌وه‌، له‌گه‌ڵ ئه‌وه‌ى ئه‌مجاره‌ كه‌ بووه‌ته‌ %20 خه‌ڵكێكى زۆر سودمه‌ندبوون".

وتیشى "به‌هۆى ئه‌و بڕیاره‌وه‌ 320 هه‌زار كه‌س له‌ لێخۆشبوونى به‌شێكى پاره‌ى ئاو سودمه‌ندبوون".

باسى له‌وه‌شكرد "تا ئێستا نزیكه‌ى 10 ملیار دینار لێخۆشبوون بۆ خه‌ڵك كراوه‌ بۆ پاره‌ى ئاو".

ع