مه‌ودا میدیا-

پارێزگارى هه‌ولێر پێش چه‌ند رۆژێك رایگه‌یاند،سوتانى له‌نگه‌ى هه‌ولێر به‌هۆى له‌حیمكردنه‌وه‌ بووه‌ و به‌ ئه‌نقه‌ست نه‌بووه‌.

ئومێد خۆشناو، پارێزگارى هه‌ولێر، پێش چه‌ند رۆژێك له‌ دیمانه‌یه‌كى ته‌له‌فزیۆنيدا به‌ ستێركى راگه‌یاند "سوتانى له‌نگه‌ى هه‌ولێر ئه‌نقه‌ست نه‌بووه‌، چه‌ند كه‌سێك له‌حیمیان كردووه‌ و به‌هۆیه‌وه‌ ئاگره‌كه‌ كه‌وتووه‌ته‌وه‌ و له‌ كه‌مته‌رخه‌مییان بووه‌".

ئه‌و قسانه‌ى پارێزگاى هه‌ولێر چه‌ند رۆژێك دواى ئاگره‌كه‌ بوو، له‌كاتێكدا دوێنێ وه‌زاره‌تى ناوخۆى هه‌رێم و عیراق له‌ لێكۆڵینه‌وه‌یه‌كدا پێچه‌وانه‌ى قسه‌كانى پارێزگارى هه‌ولێر بڕیاریدا.