مه‌ودا میدیا-

ئه‌مڕۆ سێشه‌ممه‌، وه‌زاره‌تى دارایی عیراق پاره‌ى هێزه‌ ئه‌منییه‌كانى هه‌رێمى كوردستانى بۆ مانگى پێنج و شه‌ش ره‌وانه‌ى هه‌رێم كرد، به‌ڵام مووچه‌ى هێزى رۆژ و هێزه‌كه‌ى حسێن یه‌زدان په‌ناى بڕیووه‌.

به‌پێى زانیارییه‌كانى مه‌ودا میدیا "ئه‌و پاره‌ى كه‌ به‌غدا ئه‌مڕۆ بۆ دوو مووچه‌ى هێزه‌ ئه‌منییه‌كان ناردوویه‌تى، پاره‌ى هێزه‌ى رۆژى سه‌ر به‌ پارتى دیموكراتى كوردستان و ئه‌و هێزه‌ى تیا نییه‌ كه‌ حسێن یه‌زدان په‌نا سه‌رپه‌رشتیی ده‌كات".

هه‌رچه‌نده‌ وه‌زاره‌تى دارایی رایگه‌یاند "پاره‌كه‌ كورتهێنانى هه‌بووه‌، به‌ڵام به‌غدا پاره‌ى ئه‌و دوو هێزه‌ى نه‌ناردووه‌".

پێشتر وه‌زاره‌تى دارایی هه‌رێم رایگه‌یاند "پاره‌ى ئه‌و دوو مانگه‌ى هێزه‌ ئه‌منییه‌كانى هه‌رێم زیاتر له‌ 700 ملیار دیناره‌".

به‌ڵام ئه‌مڕۆ وه‌زاره‌تى دارایی عیراق 776 ملیار دینارى بۆ هه‌رێم ناردووه‌.

ع