مه‌ودا میدیا-

ئەنجومەنی باڵای دادوەری عیراق رایگه‌یاند، مانگى رابردوو نزیکەی پێنج هەزار حاڵەتی جیابوونەوەی تۆماركراوه‌.

به‌پێى راگه‌یه‌ندراوێكى ئەنجومەنی باڵای دادوەری عیراق "تەنها لەمانگی حوزەیرانی ئەمساڵدا چوار هەزار و 779 حاڵەتی جیابوونەوەی هاوسەران تۆمارکراوە".

باس له‌وه‌شكراوه‌ " سێ هەزار و 528 حاڵەتییان لەدەرەوەی دادگاکان تۆماركراوه‌".

بێرى قادر، پارێزه‌ر به‌ مه‌ودا میدیاى راگه‌یاند "حاڵه‌ته‌كانى جیابوونه‌وه‌ له‌و سه‌رده‌مه‌ى ئێستا به‌شى زۆریان په‌یوه‌ندییان به‌ سۆشیال میدیاو خیانه‌ت و لێكتێنه‌گه‌یشتن هه‌یه‌".

وتیشى "حاڵه‌ته‌كانى جیابوونه‌وه‌ى هاوسه‌ران كاریگه‌ریی خراپى له‌سه‌ر ره‌وشى كۆمه‌ڵایه‌تى دروستده‌كات، منداڵ قوربانیی یه‌كه‌مه‌ له‌و نێوانه‌دا".

ع