مه‌ودا میدیا-

به‌هۆى ئه‌و قه‌ره‌باڵه‌خییه‌ى له‌ هه‌فته‌بازاڕه‌كه‌ى(مه‌زاد)كه‌لار له‌ لایه‌ن كڕیارانه‌وه‌ دروستده‌بێت له‌ شه‌وانى پێنجشه‌ممه‌ و رۆژانى هه‌ینییدا، ناڕه‌زایه‌تى هاوڵاتییان و شۆفێرانى لێكه‌وتووه‌ته‌وه‌ و داوا ده‌كه‌ن رێكبخرێته‌وه‌.

له‌و باره‌یه‌وه‌، ئه‌كره‌م صاڵح، سه‌رۆكى شاره‌وانيى كه‌لار بۆ مه‌ودا میدیا رايگه‌یاند "ئه‌و شوێنه‌ى ئێستا دانراوه‌ بۆ كاسبكاران تازه‌یه‌ و ماوه‌ى دوو بۆ سێ هه‌فته‌یه‌كه‌ له‌وێ دانراون".

وتیشى "بێگومان هه‌ر كارێك تازه‌ بێت، كه‌مو كورتى ده‌بێت، بۆیه‌ له‌ داهاتوودا كه‌موكورتییه‌كان ده‌ستنیشان ده‌كه‌ن و مه‌زاده‌كه‌ رێكده‌خه‌نه‌وه‌".

له‌ ئێستادا شوێنى مه‌زاده‌كه‌ى كه‌لار گواستراوه‌ته‌وه‌ و نزیكتر بووه‌ته‌وه‌ له‌ شه‌قامى حه‌ولییه‌كه‌، ئه‌وه‌ش بووه‌ته‌ هۆى دروستبوونى قه‌ره‌باڵه‌خییه‌كى زۆر له‌ سه‌ر ئه‌و شه‌قامه‌ و هاتوچۆ كردن ئه‌سته‌م بووه‌.

پ ح ع